మన ఇతిహాస కథలు
మన వాఙ్మయంలో పేర్కొనబడిన ఇతిహాస కథలు కోకొల్లలు. వాటిని చిన్న పిల్లలకు తెలియజేయడం పెద్దల కర్తవ్యం. తరతరాలుగా భారతీయ సంస్కృతిలోని ఔన్నత్యం ఈ పద్ధతి ద్వారానే కాపాడబడుతూ జాతికి గర్వకారణంగా నిలుస్తోంది. స్వామి వివేకానంద గళం నుండి పాశ్చాత్యదేశాలలో వెలువడిన మన ఇతిహాస కథలలోని మూడింటిని ఈ పుస్తకమందు ప్రస్తావించడం జరిగింది. బిల్వమంగళుడు, ప్రహ్లాదుడు, బాలగోపాలుని కథలు ఇందులో చూడవచ్చును.