మాండూక్యోపనిషత్తు ( అంతా ఒక్కటే అనే భావనలో నెలకో! )
అజ్ఞానమనే అంధకారం నుంచి జీవుణ్ణి ఉద్ధరించి ఆత్మప్రకాశమనే అమృతత్త్వం వైపు నడిపించే జ్ఞాననిధులే ఉపనిషత్తులు. ఈ ఉపనిషత్తు అథర్వణవేదంలోనిది. ఈ ఉపనిషత్తు చదివితే మోక్షమార్గం కరతలామలకం కాగలదని వ్యాఖ్యాతల అభిప్రాయం. అవస్థాత్రయం అనగా జాగ్రత్, స్వప్న, సుషుప్తిల అవగాహన ద్వారా పరమాత్మ ఉనికిని నిరూపించడం, ఓంకారం పరమాత్మ అనీ, పరమాత్మకు శబ్ద సంకేతం ఈ ప్రణవమని వివరించడం ఈ ఉపనిషత్తు విశిష్టత.